TANGAN PANGULU PALING BAWAH

Di rumah Pangulu ada tamu babarapa orang, ada Ketua RT, Ketua RW dan Tetuha Kampung. Ada jua di dalam pertemuan itu bini pangulu manyurungi banyu lawan wadai ala kadarnya, lalu dipersilahkan oleh pangulu  maminumnya, sesudah lawas bapandiran, lalu ada sisa wadai sabuting, ujar pangulu habisakan pa RT, ujar pa RT habisakan pa RW, dalam hati masing-masing sama haja pada handak mahabisakan cuma rasa susupanan haja, sakalinya padam lampu, lalu papadanya ai handak maambil wadai tadih, sasudah dinyalai oleh bini pangulu lampu, ternyata tangan nang paling pembawahnya tangan pangulu. "Wassalam"  

ORANG JAGAU TAUMPAT MANGAJI

         Orang bakakajian, nang jagau, nang bongol taumpat mangaji diundang orang saruan, disaruan itu orang bakakajian bagiliran saikung tuntung bagilir pulang nang lain, maka sampai giliran  nang jagau, mulai ai mambaca lalu nang jagau baucap “siapa managur aku, tunggul lampu kuhamputakan kamuhaaa”. Ampihai lagi nang jagau mangaji. Kadida ai orang nang wani managurnya.

“Wassalam” 

ABU NAWAS MAMAKAI KAIN KAPAN KALAMBU BURUK

       Abu Nawas bawasiat lawan kaluarganya ujar Abu Nawas “apabila aku mati bungkus haja lawan kalambu buruk”, diingatakan kaluarganya ai wasiat itu, maka waktu ajal Abu Nawas sampai dilaksanakan orang ai wasiat sidin yaitu janazah Abu Nawas dikapani lawan kalambu buruk, apa rahasia itu orang kada tahu. Sasudah dikapani lalu dibawa orang ai dan dikubur orang ai, kaya orang jua. Maka di intip orang ai, didangarakan orang diparak kubur, kaya apa Abu Nawas manjawab malaikat mananya. Maka kada lawas limbah dikubur orang Abu Nawas, datang ai malaikat mananya, ujar Abu Nawas “aku ini jangan ditanya lagi, aku ini mati lawas dah, lihat kapanku ini lawas kah hanyar kah, nang mati hanyar tuh diatas tuh, maka bukahan nai orang takutan... 

dasar jua Abu Nawas nih sampai kamati-mati lucu......

 “Wassalam”

SALAH PAHAM BAULAH WADAI GAGUDUH BATILANJANG

      Takisah Nang minantu orang kota, jadi kada tapi bisa cara baolah wadai, maklum dikota saraba manukar haja, kada kaya orang desa baolah saorang. Pada suatu hari nang minantu orang kota ini disuruh oleh nang mintuha maolah gaguduh batilanjang, nangaran umpat mintuha handak kada hakun rasa ngalih jua dalam hati nang minantu, maka mulai ai nang minantu ini mamacul salawar dalam. Laluai ditakuni oleh nang mintuha “napa ikam mamacul salawar didapur luh” dijawab oleh nang minantu “ujar pian baolah gaguduh batilanjang kalu?” mandangar minantu kaya itu tatawa ai lagi nang mintuha kaya itu orang kota kada bisa ba apa-apa, lalu dilajari oleh nang mintuha kaya apa caranya maulah gaguduh batilanjang, yaitu pisang di sanga kada bagalapung,, hhee

“Wassalam”

TUKANG BECA TASINGGUNG

         Tukang beca sedang mambawa panumpang sakalinya nang didalam beca itu dua orang sedang bararayuan, ujar nang lalakiannya “dunia dingai milik kita berdua”, mandangar suara kaya itu tukang beca marasa bingungai, gugurai beca takabanyu ditajunakan tukang beca, lalu ditiwas panumpang beca ai.... “kanapa kami ditajunakan kabanyu, dijawab oleh tukang beca “dunia pang milik ikam berdua dimana lagi aku badiam”?? “Wassalam”

SALAH SANGKA BALAKI PEMBURUNG

        

          Si Aluh, sadang pang?? Bungasnya, anak CV (pemburung), lalu bacita-cita handak balaki pemburung jua kaya abahnya. Banyak sudah orang nang badatang, tapi sabarataan kada diterimanya??. Aku pang jar Santayaut badatang diterimanya lah, mandangar si Santayut anak pemburung, hakunai inya manarima, ini iya am ngarannya pucuk dicinta ulam tiba ujar si Aluh. Ringkas kisah kawin nai si Aluh lawan si Santayut, sudah limbah kawin ternyata Santayut kada Pemburung (CV) sakalinya tukang jabak burung, tukang suar burung, tukang polot burung, napa si Aluh marana ai lagi, rabah kastila dinaikinya Santayut... “wassalam” 

SEMBAHYANG BATAL BARATAAN

          Dilanggar ada orang sembahyangan nang kada tapi tahu ilmunya lalu sembahyangan nai bajama ah kaya orang jua, imam mulai batakbir satarusnya mambaca fatihah lalu makmum mengikuti di balakang, lalu makmum ada bapandir, di tagur nang saikung nya “jangan bapandir rahat sembahyang”, ujar nang saikungnya lagi “batal sembahyang bapandiran” lalu imam managur jua lawan makmum “orang sembahyangan tu jangan bapandiran batal sabarataan tahulah”. Maka batallah sembahyang sebarataan. “Wassalam”